Tribuna libre 2

XXXIV Carreira pedestre popular de Santiago de Compostela

O pasado domingo 30 de outubro celebrouse en Santiago a XXXIV carreira pedestre popular, que contou con 5736 participantes, dos cales 3443 correron na categoría de adulto un total de 12000 metros.

A saida tivo lugar as 10:00 da Avenida de Xoán XXIII e o gañador, o marroquí Hassan Lekhili, chegou á meta 36:32 minutos despois.

Lekhili chegando á Praza do Obradoiro

Na categoría feminina, a gañadora foi a portuguesa Rafaela Almeida, que fixo o percorrido en 42:24 minutos, chegando dentro da categoría xeral no posto 61.

Rafaela chegando á meta

A nosa atleta favorita, Rocío Alvite Ferreiro, de Mazaricos, e gañadora da última edición da carreira popular do concello de Arteixo, clasificouse como a 24º muller cun tempo de 52:58 minutos.

Rocío Alvite a piques de chegar á meta

Rocío e amigos xa recuperados

IV Ruta BTT de Outes

O pasado domingo 9 de outubro de 2011 tivo lugar en Outes a súa IV Ruta de BTT, que organizou o departamento de deportes deste concello. Nela participaron máis de 300 ciclistas maiores de 16 anos. 

Os participantes poideron optar entre realizar a ruta completa de 47 Km con un desnivel acumulado de 1841 m ou a ruta corta, de 29 Km e un desnivel acumulado de 933 m.