O próximo 22 de maio terá lugar a celebración das eleccións municipais. En Mazaricos preséntanse candidatos polo grupos políticos PP, PSOE, BNG e PIMAZ.
Nesta nova etapa histórica da Sociedade da Información, é imprescindible un bo coñecemento por parte de tódolos veciños dos programas electorais, así como das actuacións levadas a cabo nos últimos anos en pro de solucionar os problemas do noso municipio. O debate político, tan en auxe nos últimos tempos, é un método eficiente para que os candidatos dean a coñecer os motivos polos que queren formar alcaldía, intercambien opinións e posturas cos restantes candidatos e tódolos veciños podan formular as cuestións que consideren pertinentes. Desta maneira, todos podemos disipar as nosas dudas nunha ou noutra materia de cara as vindeiras eleccións.
O noso deber como veciños e electores é exisir que se realice o debate ou outra fórmula similar na que entre todos, candidatos e cidadáns, saquemos á luz as medidas e necesidades de Mazaricos.
Estou totalmente a favor do debate, mais non para escoitar palabrería barata pois a todos se lles enche a boca con falsas promesas. É hora que todos nos demos conta, eles mais nós, de que son eles os que teñen que traballar para nós e non ó revés. Esixamos que se poñan máns á obra dunha vez pois en Mazaricos hai moito por facer
ResponderEliminar